~~ column in ’t Ienoams geschreven door Walter De Bock / foto’s Walter De Bock en Ilse Bostyn

Helemaal rechts op de foto is het winkeltje van ‘Katten Angèle’ te zien.

De valsmuntere.

Dor moet iets van mijn herte vanoalze kik tien joar waas .
Wannière kik van de schole kwame ginge kik soms bij Katen Angèle biènen om sneukolderije. Angèle of ieren vent Turie kwamen tons raap van om thoekske van ulder weunploatse teveurschijne nor den tuug.
Dor koste alies krijgene: zwarte rèkers , stampers , vier spèken veur ne frank, nonnenscheten (waarvaan op loatere leeftijd de noame veranderde in ‘negerinnent..en’, zakskies zuur, koetsiesrepene surpriezen, olalaas en honderden soorte dingen woarvaan date vorte tanden vaan opdeet.
In den kièzentijd koste doar uke kièzen kupene. Guldere geluuft dade of niet maar 20 kièzen veur nen frank kreegde doare. En Turie diene meins moar tellene tot twintig!

Ze verkochten doare uuk conservene moar kpeize dat ze gemoakt woarene rond den tijd da keunink Aolbert I vaan de rotsen waas getuimeld.
Sjète verkochten ze doar uke mor datedieje ièren bèsten tijd meegemoakt o, doraan waas gienen twijfele meugelijk. Kdurve bijkanst zègene da oals ge nen wrong opendeed alies in e soorte spagètie uitièn zoe gevallen hen.
Ièn uldere linkere vitriene stondter speelgoed woarvaan dade nou op ‘Tussene Kunste en Kiets’ véél gèld zoet krijgene.
Moar kben duud beschoamd vaan vroeginge.
Buiten hangede doar nen siekenbaak.

Ikke o nie betere gevondene vaan thuis mee nen omere un bierblekse plat te kloppene en mee un schoare zu goed of dat ging de voorme van een frank uit te snijene. Alij ko een noargemoakte frank en nen blauwen noagele.
Den dag nordien bij vaan tschole kommene benne kik mee een lang gat noar diene siekenbak gegoan schuchtere omgekekene en da norgemoakt frankske in da gleufke gestokene en gedroud en er waas doar e sieke.
Walterke es tons mee het schoamteruud op zijn koaken den Kaatenberg opgestoarmd.
Nen voalsmuntere vaan tien joar Hoe est meugelijk.

Kben de weke doarop toch te biechte geweest en kee gezijd: ‘Ièrwoarde voadere kee e sieke gestolen’. Moar bij Kaaten Angèle ee kik doar nie bijgezeid zulle.
Veur mijn penitensie benne kik nog oaltijd vaan zinne om nen èchten frank ne kier aan de norkomelingen vaan die meinsen te gevene.
Moar kbenne kik schou da ze in Ienoame goan valsmuntere nor mij roepene.
Djue tog ne valsmuntere…

OLYMPUS DIGITAL CAMERA