Den berg t’Ienoame, column in ’t Ienoams.

~~ column in ’t Ienoams, geschreven door Walter De Bock / foto’s Ilse Bostyn

Belevenessene op den Kaatenberg of de Katteberg of den berg TIÈNOME.

katteberg

Duzenden kièren ee kik oal den berg TIÈNOME op en af geweest. Duzenden kièren!

De ièste kièren waas dadde bergaf enne bergop ièn mijn moedere ièren buik, mor den alerloasten kièr veilig in hièren buik waas dade op de boane noar thospitoal.

Loatere spurtege kik den berg aaf noar de schole bij de mièsters Zaak en Provost. Surtoe vaan schoutte in de wintere mee un ei in mijn gat omdat donkere waas.

Omda kik nou tog van de wintere bezig bèn… wa waas daat toag leutig mee d’ijsslee vaanaan Fluiten Mokke slièrne tot verre veurbij Meutsies café oast tot aan de Wolvenstroate. Moar azu tien kièrs were kièrne op nen daag, doar woarde zu moe vaan en slaap oals un vodde pluus duud vaan de naatiggied en bekoanst vervrozene vaan de koue.
Op nen goeèn daag stove kik Louis Beernaert veurbij, véél te dichte, mee tgevoalg da zijn floerie broek aan zijn linker bièn open geript waas vaanaan zijne knoensol tot aan zijn gat.

beukennootjes

In den herfst loagen doar massaas beukenootsies ondere die drij beukebuumen, uuk boekers genoemd deur oes.
Aolster nie genoefd nootsies loagene smeten wuldere stiène in de kruine vaan die bumen.
Op nen goeène daag moest Woalterke uuk nen kière smijtene. Tstientse vloog omhuge, tik tok tegen de takene en pats op het huufd vaan Norbert De Cordier die ferme oal bloen den Kaatenberg aaf noar huis in Iènoame spurtege. En ikke oal bliètend noar huis en kriepe tegen mijn moedere dak iemand vermurd o.

Wie dater doare uuk nen vaste klant waas onder die bumen dat waas den kwafeeur Daniël Herman die doar mee ijzerie vallekies vinken vangdege. Oas ter nen oto of nen meins aafkwaam begost tie uuk nootsies te roupene, want da vinkene vangene waas verboon.

De voalgende epizode ièn verband mee den berg waas te vrijène goan aale doagene. Vul vaan goeste bergaaf en loatere oalst donkere waas aafgepeigerd terug bergop noar huis.
Wèn uuk vele kièrene te voete, ièk mee tlief, den berg op en aaf geweest. Iène kier loagene wuldere in tdonkere in diene los aan de Konijnenerde moar plots un zugtend geluid. Twaas un koe die mee hur muile over de piekdroad kwam kijkene . Tspelleke waas subiet gedoan.

Tot daak noa ne kier iets schrijve over de Kaatenberg.

Ikke, Woaltere.

katteberg 2

3 gedachtes over “Den berg t’Ienoame, column in ’t Ienoams.

  1. Ke doar uk nog mee mijn slee noar beneen gevlogen allee geslierd. En oske da zu nen kier of drije gedoan o woaren de toppen van mijn schoenen afgesleten. En oas moedre was toch koat, want ja men ont tuis nie te bried. En int noar bovengoan mee de slee achter mij kwomme kik schijters djef voorbij. Rap kostegie nie goan want ie oa een stik in zijne meuln. IK trokke zijn klakke van zij kop en ksmete ze in de sni. En koad da tie was, koad.

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit /  Bijwerken )

Google photo

Je reageert onder je Google account. Log uit /  Bijwerken )

Twitter-afbeelding

Je reageert onder je Twitter account. Log uit /  Bijwerken )

Facebook foto

Je reageert onder je Facebook account. Log uit /  Bijwerken )

Verbinden met %s